گیلانار شعری/گیلاناردان بو ائلیم چکدی دووارلار تسوجا

تاریخ : 26 تیر 1398, 17:33 نویسنده : رضا اخگرپور نظرات : 0 موضوع : ادبی
  • 0
بو ائلین دالداسینا شانلی علمدار دایانیب
گوزلریندن دورو کهریزلر آخارلار تسوجا

بو سولاردان گیلانارلار ال آتیب دردی نفس
سیخما سیخما دیریلیک سپدی پینارلار تسوجا

تانرینین اللرینین رنگینی یاخدی اوزونه 
جشنواره بزه دی آل گیلانارلار تسوجا

ایلمک ایلمک توخودی تانری اونا قیرمزی دون
بیر گلین ائتدی گلیب ائلچی کنارلار تسوجا

بیر قدح لطف مییندن باشا چکدی گیلانار
درمان اولدی سویی اوز گتدی بازارلار تسوجا

غیرتین اللرینی همته ویردی بو شهر
گیلاناردان بو ائلیم چکدی دووارلار تسوجا

قاباقا چیخدی گوزی گوردی قوناقلار گلیری
دمنه دی چای گیلاناردان سماوارلار تسوجا

ائله بیل غیرت الی باغرینا باسمیش بو ائلی
گوونیر اللریم اوستونده قابارلار تسوجا

بو قابارلار گیلانار درمه گیمین لذتیدی
نیلسین اولماسین عاشق بو دامارلار تسوجا

بیر چاناق تا گیلانار شربتینی ایچدی غزل 
دیدی احسن دیه جک داغداکی قارلار تسوجا

گیلانارلار اتگیندن بیر اووج عشق دریب 
پایلادی سانکی ملک اوزلی نگارلار تسوجا

گیلانار آیناسینا تا گجه آی عکسی دوشر
باخار حسرت گوزیلن اوندا فنارلار تسوجا

داغلاری تک اوجادی باشی ویقارلی ائلیمین
مرد ایگیدلر نفسی ویردی ویقارلار تسوجا

ائله بیل عشق تیکیب بو شهرین دام دووارین
عشق معمار اولوب چکدی حصارلار تسوجا

گیلانار تک سوزون (آشفته) سنین توش مزه دی
قویما قونسون قلمیم غملی غبارلار تسوجا

شعر از ابراهیم غفاری تیرماه 98 (نفر اول مسابقه شعر در حاشیه دومین جشنواره آلبالوی تسوج)
کلید واژه ها :
گیلانار شعری بو ائلیم

نظر دهید :

نام شما :*
ایمیل شما :
نظر شما :
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
کد را وارد کنید : *
عکس خوانده نمی شود